Exselensia Vise – Primeiru Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay hasoru malu ho Embaixadór Tailándia ba Timor-Leste, Atipat Rojanapaibulya iha Gabinete Faról-Dili, Tersa, 13 Maio 2025.

Sorumutu ne’e ko’alia kona-ba preparasaun sira hodi simu vizita delegasaun emprezarial Tailandia nian mai iha Dili.

Antes ne’e iha loron 11 Abril 2024 mós Embaixadó Atipat halo vizita kortezia ida ba Exselensia Vise – Primeiru Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay, iha okaziaun nia simu knaar.

Parte rua diskute oportunidade sira atu hala’o kooperasaun bilaterál.

Vise-Primeiru Ministru agradese ba Tailándia ne’ebé fó apoiu ba Timor-Leste nia adezaun ba Organizasaun Mundiál Komérsiu (OMK) no implementasaun roteiru ba Timor-Leste nia adezaun tomak ba ASEAN iha tinan 2025.

Timor-Leste iha buat barak atu aprende no hetan benefísiu husi Tailándia nia esperiénsia no exelénsia iha indústria turizmu no mós ninia prátika di’ak liu iha área konservasaun ambientál, jestaun lixu plástiku, no ekonomia verde.