Exselensia Vise – Primeiru Ministru no Ministru Koordenadór ba assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay hateten, Governu sei tulun orsamentu balun ba Assosiasaun Espoza Polísia Nasionál Timor-Leste (AESPNTL) hodi hala’o sira nia atividade.
AESPNTL harii iha 27 Abríl 2023 maski enfrente dezafiu no obstákulu oioin maibé mantein promove Asosiasaun ne’e liu-hosi atividade sosiál, edukasaun no kulturál. AESPNTL demonstra bá Públiku katak, asosiasaun ne’e eziste ona no eziste duni, prontu atu fó apoiu bá Instituisaun PNTL liu-hosi atividade sira mak temi ona.
AESPNTL hetan legalidade iha 18 Outubru 2024, liu hosi Dekretu-Lei númeru 34/2024, Orgánika PNTL, iha artigu 62 dekreve papél AESPNTL hanesan parseira Institusionál apoia tarefa sira hodi valoriza familiár no materiál relasiona ho apoiu bem-estar PNTL nian.
Tema aniversáriu AESPNTL bá dala-rua ne’e maka “Hamutuk Reforsa Amizade Familiriadade iha AESPNTL hodi komemora aniversáriu Asosiasaun Espoza no Espozu PNTL ho aprevizaun AESPNTL”.
Aniversáriu AESPNTL bá dala-rua (27 Abríl 2023-27 Abríl 2025) hala’o iha CCD, iha loron Tersa, 06 Maio 2025.
AESPNTL iha papél importante tebes hodi fó apoiu bá PNTL. AESPNTL la’ós de’it hanesan feen ho la‘en ne’ebé fó apoiu ativu iha membru PNTL, maibé mós fó apoiu iha aspetu oioin hanesan apoia programa PNTL iha atividade sosiál no mós atividade karitativa bá komunidade kbiit laek, hasa’e kualidade rekursu umanu liu-hosi edukasaun no saúde.