Excelensia Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Sri Francisco Kalbuadi Lay akompaña Sua Exselensia Prezidente Repúblika, José Ramos-Horta no Sua Exselensia Primeiru-Ministru, Kay Rala Xanana Gusmão iha âmbitu selebrasaun Festival Karavana Oseanu tinan 2025.

Selebrasaun Festival Karavana Oseanu tinan 2025, hahu ho formatura husi Ministériu Negósio Estrajeiru no Kooperasaun (MNEK) nia oin to’o Portu Dili.

Prezidente Repúblika, José Ramos-Horta iha nia intervensaun apresia ba programa ne’ebé Governo halo, tanba bele fasilita foin sa’e sira atu labele so’e fo’er arbiru, la’os iha tasi de’it maibé iha fatin hotu.

Hafoin to’o iha Portu Dili, Primeiru-Ministru, Kay Rala Xanana Gusmão kontente tebes tanba karavana tinan ne’e partisipa husi maioria foinsa’e sira, ne’e hatudu katak foinsa’e sira hahu nakloke aan no kontribui oinsa atu kuidadu ambiente liu-liu tasi, biban ne’e Primeiru Ministru Kay Rala Xanana Gusmao halo abertura ba programa Gastronomia, ne’ebé organiza husi Ministériu Turizmu.

Karavana ne’e Partisipa mos husi membru Governo sira, grupo foinsae sira, etudante no komunidade sira no harame husi drum band.